Saturday, July 07, 2007

கனவு இல்லம்...கனவேவா? - 2



இப்படி 'ஹாட் கேக்'-காக இருக்கும் நிலங்களை பார்த்தால், ஏமாற்றுகிற கும்பலுக்கு ஆசை வராதா? ஏற்கனவே யார் பெயரிலோ இருக்கின்ற நிலத்தினை, ஏமாற்றி இன்னொருவருக்கு விற்றுவிடுகிற கதையும் மிகச் சாதாரணமாய் விட்டது.
இந்தத் திருட்டு கும்பலிடம் இருந்து தப்புவிக்க, இப்போதெல்லாம், மக்கள் நிலத்தை வாங்கி வேலி போட்டு விடுவதோடு நில்லாமல், 'நில உரிமையாளர் xxxx, தொடர்பு எண் xxxx' என்று நிலத்தில் போர்டு மாட்டி வைக்கின்றனர். இவ்வளவு முன்னெச்சரிக்கையோடு இருந்தும், நிலத் திருட்டு நடக்கத்தான் செய்கிறது.
சென்ற வருடத்தை விட, இந்த வ்ருடத்தில், இதுமாதிரியான திருட்டுக்கள் இரட்டிப்பாகி இருப்பதாகச் சொல்கிறது, சென்னைக் காவல்துறை புள்ளிவிபரம். இதில் அவர்களுக்கும் பங்கிருப்பதாகச் சொல்கிறது பொதுஜனம்.

நிலங்களின் விலை என்னவோ அவ்வளவு உயர்ந்து கொண்டு போனாலும், அதற்கேற்ப வசதிவாய்ப்புகள் இருக்கின்றனவா என்றால், இல்லை என்றுதான் சொல்ல வேண்டும். காரணம், அரசு இயந்திரங்கள் இதனை திட்டமிட்ட தொலைநோக்கோடு அனுகாததே. முதலில் ரோடைப் போடுவது, பிறகு வரிசையாக டெலிபோன்,குடிநீர் வாரியம், கழிவு நீரகற்று வாரியம் என ஒன்று மாற்றி ஒன்று, தேவைக்காக நன்கு போடப்பட்ட சாலையை உடைத்து பாழ்படுத்திக் கொண்டிருக்கிறார்கள்.


சென்னைக்குள் இருக்கின்ற பகுதிகளில் நிலங்கள் கிடைப்பதே அரிதாகி விட்டதால், இன்னொரு புதிய அனுகுமுறையுடன் வீடு விற்பனை முறையைக் கையாளுகிறார்கள் சில குட்டி பில்டர்கள்.
சென்னையின் பிரதான நகர்ப்புறங்களில் இருக்கின்ற 15/20 வருடங்களுக்குள்ளாக இருக்கின்ற அபார்ட்மெண்ட்களை மார்பிள்,டைல்ஸ்,ஏசி என நவீன அமைப்புடன் ரீமாடல் செய்து, புதிய அபார்ட்மெண்ட் போலாக்கி, புதிய அபார்ட்மெண்டின் விலையை விட 20-25% சதவிகிதம் குறைத்து விற்கின்றனர்.
இந்த மாதிரியான வீடுகளுக்கும் வரவேற்பு இருக்கத்தான் செய்கிறது. ஆனால், உள்ளூர்வாசிகளிடையே வரவேற்பு கம்மியாக இருப்பதால், இந்த பில்டர்கள் இது மாதிரியான வீடுகளைப் படம் எடுத்து, சிங்கப்பூர், மலேசியா, அரபு நாடுகளில் உள்ள மக்களுக்கு தங்கள் மார்கெட்டிங்க் ஏஜென்சி மூலமாக அனுப்பி, அங்குள்ளவர்களிடம் விற்பனை செய்கிறார்கள்.



பின்னர் வாங்கிய பார்ட்டிகளிடம் ஒரு டீல் போட்டுக்கொண்டு, உள்ளூர் பார்ட்டிகளுக்கு 12,000 -15,000 ரூபாய்களுக்கு வாடகைக்கு விட்டு, அதிலும் கமிஷன் பார்த்து விடுகின்றனர். வெளிநாட்டு பார்ட்டிகளுக்கு ப்ரைம் ஏரியாவில், வீடு வாங்கிய சந்தோஷமும், வாடகையும் வருவது ரெட்டிப்புச் சந்தோஷமாகிவிடுகிறது. வாடகை தராமல் ஏமாற்றுகின்றவர்களை, வீடு காலி செய்ய மறுக்கிறவர்களை எல்லாம் இந்த ஏஜென்சியே 'கவனிப்பதால்' வெளிநாடு வாழ் உரிமையாளருக்கு எல்லாம் சுளுவாக, 'ஏஜென்சி சர்வீஸ் சார்ஜ்'ஜிலேயே அடங்கி விடுகிறது. இப்படி ஒரு கிளை வியாபாரமும் நடந்து கொண்டுதானிருக்கின்றது.


இப்போது சென்னன 'ரியல் எஸ்டேட்' மார்கெட் விற்போருக்குச் சாதகமாக இருக்கின்றது. இந்த நிலை இப்போது சற்று மந்தமாகத் தொடங்கி யிருக்கின்றது. முன்புபோல், அடிபிடியாக போட்ட உடனேயே விற்றுத் தீர்வது என்பது, சற்று இழுக்க ஆரம்பித்திருக்கிறது. இதனை, பில்டர்கள் வட்டம், சரியாக உணரத் தொடங்கி, அடுத்த கட்ட 'கவர்ச்சியாய்' நீச்சல் குளம், உடற்பயிற்சி நிலையம், பார்ட்டி ஹால் என எல்லாம் இருக்கும் விதமாய் அபார்ட்மெண்ட்கள் கட்டத் துவங்கியுள்ளனர். இதற்கான விலையை அபார்ட்மெண்ட் விலையில் ஏற்றி கவர்ச்சிகரமாக விற்கத் துவங்கியுள்ளனர். அப்படியும், இன்னமும் எல்லா ப்ளாட்களும் புக்காகாத நிலைமைதான். வளர்கின்ற வட்டிவிகிதமும், வீடுகளின் விலைக்கேற்ப வளராத 'வீட்டு வாடகை'யும், உள்ளூர் பார்ட்டிகளை யோசிக்கச் செய்து, இந்தக் கவர்ச்சிகளை வலுவிழக்கச் செய்கிறது.


இதனால், இப்போது வெளிநாடுவாழ் இந்தியர்களை குறிவைத்து 'Road Show' நடத்த ஆரம்பித்திருக்கின்றனர் பிரபல பில்டர்கள். இப்போதுள்ள நிலைமையில் சென்னை மற்றும் மும்பை ரியல் எஸ்டேட் மார்கெட் அபரிமித வளர்ச்சியால் பாதிக்கப் பட்டுள்ளது. இனியும் அது முன்பிருந்த வேகத்தில் பயணிக்கும் என்பது அடுத்த இரண்டு ஆண்டுகளில் இருக்காது. 2008/2009 வருடங்களில், இந்தப் பாதிப்பு வெளிப்படையாய்த் தெரியவரும்.


இப்போதே, அதற்கான சரிவின் துவக்கம் தெரிய ஆரம்பிப்பதாய் ஆய்வாளர்கள் சொல்கிறார்கள். Plot-களின் விற்பனையும், விலையும் குறையத் துவங்கியிருக்கின்றது. ஆனாலும், தினமும் ஒரு புதிய புராஜெக்டுகளுக்கான விளம்பரங்கள் வந்து கொண்டுதான் இருக்கின்றது. நிஜங்கள் புரிய, இன்னும் சில மாதங்கள் ஆகலாம், அதுவரை சற்றுப் பொறுத்து இவ்விசயத்தில் இறங்குவதே பயனளிப்பதாக இருக்கும். Buyer Market வரும்வரை பொறுத்திருப்போம்.

'சற்றுமுன்' போட்டிக்கு எழுதவேண்டும் என நினைத்தது, இப்பதான் நேரம் கிடைத்தது.
----00000-----


3 Comments:

said...

Good One, Have you read Hindu property plus this week? They also analysed on this! Your article is reflecting the thoughts of the Middle income group. Too much hype has been created!

As you said, I also got an email invitation for the Property Road show here.

People here in US, who may not visited for a longtime to India are amazed about property valuation in India.

I forwarded your blog info to my friends, keep up the good work!

- Venkatesh

said...

Yes I read that. Thanks for forwarding this post to your friends.

said...

nice post, I dont know how I missed it.